05.02.2008 | 新年「燈」飾

上個禮拜四, 網絡服務連續down咗成個星期咁耐, 冇咗internet好多嘢都做唔到, 「省」咗個ISP三百幾次都仍然係徒勞無功, 幾乎想死咁濟.. 各位同事無所事事, 加上年又快到, 結果攪到個個無心戀戰, 於是(唔清楚邊個發起)大家就索性圍埋一齊, time sharing用利是封DIY砌返啲新年「燈」飾喇.. 公司女將眾多, 所以做起呢啲美工事幹特別得心應手, 總指揮ST及IV更是落足心機.. 三大猛男唯有企埋一邊睇嘅份, 等完成之後就靠我哋強勁嘅臂力一個個掛上天花板灑水器度..
公司美工資源有限, 所以女將門就僅靠利是封同埋書釘做出一個個有板有眼地嘅裝飾, 掛上天花板後, 成個公司煞時間增添不少過年氣氛.. 估唔到我哋除咗識得programming之外, 做呢啲嘢都好掂.. 尤其牆上嗰個用利是封砌成嘅實驗性春字, 同買最後嗰個中秋feel多過過年feel嘅黃色走馬燈, 簡直係是日二絕!! 而家成間公司紅噹噹咁, 等過年喇喂~~