間嘢原本係做喋茶生意, 而家擴展做埋食肆, 以茶料理.. 餐館環境唔錯, 用個月牙型嘅碟食嘢都幾得意.. 我哋點咗個398蚊「茶香宴 」, 第一道就梗係好例牌嘅撈生(上圖第一排第二張, 叫做豐年金綠茶魚生)啦, 齊齊撈齊齊發發發, 哈哈!! 跟住陸續有嚟, 上圖第一排第三張起, 依序為茶香四熱葷, 香片茶蒸巴丁魚, 水仙豆巾靈芝菇, 紅茶洋蔥雞, 凍頂胚芽茶蝦, 珍珠茶飯糰, 水仙冬菇燴海參, 精選普洱茶, 紅茶杏仁豆腐海底椰.. 有冇注意到每一道餸都係用茶嚟煮啊?? 所以啲嘢其實都幾清, 唔錯架.. 要揀全場最受歡迎, 就非珍珠茶飯糰莫屬喇, 一人一個飯糰有啲似糯米雞, 飯粒煙煙韌韌好好味.. 如果要揀全場最難啃, 就非紅茶杏仁豆腐海底椰莫屬喇, 因為成陣藥水味, 好惡頂..呢餐飯食咗成兩個鐘, 食完又要頂住個便便大腹等火車返公司, 結果前前後後呢餐開工晏由12:15pm出發到3:45pm返到公司, 一共用咗三個半小時, 嘥大半日去食飯好誇啊..
No comments:
Post a Comment