29.06.2007 | 加油..
已經唔記得幾時開始, 每日都需要OT趕工, 為就係為咗個永遠都不能夠改嘅deadline.. 好似全副心機都擺晒落去, 其他事情都一概無暇理會.. 一早返工, 就不停需要內應外合, 其實夾喺中間就係最辛苦嗰個.. 一來要儘量滿足同埋達到顧客要求, 二來又要睇住自己成team人.. 好多時候都需要絞盡腦汁諗番個兩全其美嘅方法, 所以最近耗盡好多腦細胞, 飲晒一打雞精都補唔返.. 點講都係先以自己為大前題啦, 梗係先要protect自己個team, 個顧客嘅要求儘量避得就避啦, 所以都真係需要煉得一身銅皮鐵骨刀槍不入之軀架.. 對於呢份工, 的確係又愛又恨, 愛佢係因為工作環境同埋同事之間嗰種好teamwork嘅關係, 恨佢係因為實在太多嘢做, 太大壓力喇!! 所以真係要加油, 要學習如何去handle呢份工作, 自問仲有好多嘢要學識, 好多經驗要累積.. 一路走過, 唯有死撐, 加油呀..
Subscribe to:
Post Comments (Atom)
No comments:
Post a Comment