設定貼子語言 Set language for posts :
中文
English
中英雙文 English & Chinese

07.12.2007 | 一仙

早前報章上睇到篇報導, 係關於一仙嘅價值已經隨著經濟發展而降低.. 好多人其實都已經唔將一仙放在眼內喇, 返屋企搵吓櫃桶底啊, 床下底啊, 同埋每個角落, 好有可能可以搵到被你遺棄多時嘅一仙輔幣.. 去超市買嘢, 好多時候都冇一仙一仙輔幣找畀你, 如果有得找, 更有啲人索性將全數投入慈善箱裡邊..

可想而知一仙嘅價值已經係微不足道架喇, 而家百物增值, 要生產一仙輔幣, 其實個本錢仲高過面值, 好唔抵噃.. 所以國家就擬定明年開始停止生產一仙輔幣, 咁樣如果消費價錢有幾仙幾仙零頭點算咧?? 咪就傚法某些國家, 以四舍五入方法解決, 所有收銀機又要專登program入呢個方法.. 所以消費者同商家有得有失, 當係個取舍囉..

其實駛唔駛攪得咁複雜啊?? 物品標價round-up to the nearest tens咪得囉, 對於嗰啲另加5%政府稅嘅物品服務, 不如就直頭加埋5%再round-up, 最後收個after taxed價錢咪得囉.. 駛唔駛又乜四舍五入, 又嘥幾百萬upgrade晒啲收銀機啊?? 唉, 真係吖, 救命啊.. 變通啲啦, 好唔好??

2 comments:

  1. 唉呀!那些政府商家都是‘死咕咕’的啦!他们那会变通的,没你那么pandai.

    话又说回,加拿大也有一仙。政府还要做调查看人民要不要停止生产。唉呀!自己决定就是啰!一仙是小事啦!我想,这叫民主吧 - 尊重民意。

    ReplyDelete
  2. 對啊, 其實很多國家都已經「廢除」了最低貨幣單位, 基本上是沒有一仙仙在市場上出現的了, 像泰國和香港.. 我只是市井庸人一念, 其實經濟課題上有甚麼衝擊, 我還是不會喇..

    ReplyDelete