今日應該係四日個plan內時間最長既一日喇.. 長洲拼廣東道聖誕街頭party.. 結果長洲步行漫遊真係令到朋友仔累到趴係地, 短短三小時路程足以令佢地覺得已經行晒三個月既路, 哈哈.. 都話平時唔好成日坐係office度, 隔兩條街唔好搭的士, 行多點路架啦.. 我諗成個長洲之旅, 朋友仔最enjoy都非晚餐果一刻莫屬喇, 因為終於可以安安定定咁坐番低歇一歇補充體力喇.. 哈哈!!
夜晚由中環搭天星小輪過尖沙咀, 自從棄用鐘樓舊碼頭以後都係第一次係新碼頭搭船.. 個聖誕街頭party由李浩林MC, 歌手嘉賓有張敬軒, 王菀之, 黃貫中, 2R, Rednoon.. 當然仲有主角-加埋起黎成300歲既溫拿樂隊喇.. 最過癮就係全場互動唱《L-O-V-E》同埋最後廿秒倒數聖誕, 有煙火有飛霜碎紙好聖誕feel啊..
不過成日最意想不到既就係搭地鐵歸家時竟然不見擠逼人潮, 真係通暢無阻架.. 預計成點靚兩點鐘到屋企, 點知返到去都未夠一點鐘啵.. 都好既, 因為好累早D休息都好既..
No comments:
Post a Comment